Feeds:
પોસ્ટો
ટિપ્પણીઓ

Posts Tagged ‘ashram અન્નક્ષેત્ર આશ્રમ ઉપવાસીબાપુ ગંગારામ ચત્રભુજદાસ દાણીધાર નાથજીદાદા danidhar ’

Nathjidada - Danidhar-: શ્રાધ્ધ ઉત્સવ, રક્તદાન કેમ્પ, કાનગોપી, લોકમેળો, સંતવાણી :-

સૌરાષ્ટ્રમાં એક સાથે ૧૨ દિવ્ય જીવાત્માઓએ લીધેલી જીવતા સમાધી સ્થળ. વિક્રમ સંવત ૧૬૩૪ થી મહાસિધ્ધ મહાત્માએ સૌરાષ્ટ્રને બેસણુ બનાવી ધર્મની ધજા ફરકાવી છે, તેમજ ભાતીગળ ઈતિહાસનું સર્જન કર્યુ છે. કુદરતી સૌંદર્યથી ભરપૂર એવી શ્રી નાથજીદાદાની પાવનકારી જગ્યા દાણીધારમાં વિક્રમ સંવત ૨૦૭૦ નાં ભાદરવા વદ-૪ (ચોથ) ને શુક્રવાર, તા.૧૨/૦૯/૨૦૧૪ નાં શુભ દિવસે પ.પુ.શ્રી નાથજીદાદાનો સતત ૩૮૮મો શ્રાધ્ધ ઉત્સવ ઉજવવામાં આવશે. આ દિવસે સવારે શ્રી નાથજીદાદાનાં સમાધી મંદીરને અવનવા ફુલોથી શણગારવામાં આવશે. વહેલી સવારે આ સમાધીએ આસોપાલવ અને શ્રીફળનું તોરણ બંધાશે. ત્યારબાદ બધી સમાધીઓનું પુજન કરવામાં આવશે. પુજન વિધી પુર્ણ થયા બાદ શ્રી નાથજીદાદાની બાવનગજની ધજા ચડાવવામાં આવશે. તેમજ ગંગારામબાપુનાં ધુણે પણ પુજન વિધી થશે. ત્યારબાદ સવારે ૧૦.૩૦ કલાકે જગ્યાની પરંપરા મુજબ સમાધીએ ૫૧ થાળ ધરવામાં આવશે. તે સમય દરમિયાન ટોડા ગામે આવેલી મોતીરામ સ્વાનની સમાધીએ પણ પુજા કરવામાં આવશે. પ્રસાદ ધરવામાં આવશે અને શ્રીફ્ળનું તોરણ બાંધવામાં આવશે.  દિવસ દરમ્યાન સવારે ૧૦.૦૦ કલાકેથી સાંજના ૫.૦૦ કલાક સુઘી સેવંત્રા ગૃપ દ્વારા કાનગોપીનો કાર્યક્રમ રાખવામાં આવેલ છે. રાત્રે ૯.૩૦ કલાકે સૌરાષ્ટ્રનાં ખ્યાતનામ કલાકારો દ્વારા સંતવાણીનો કાર્યક્રમ રાખેલ છે, તેમજ વિક્રમ સંવત ૧૬૩૪ થી સતત ચાલુ છે તેવા અન્નક્ષેત્રમાં પ્રસાદ સતત ચાલુ રહેશે. આ સ્થળે પહોંચવા માટે કાલાવડ શહેરથી જુનાગઢ રોડ પર  ૧૫ કિ.મી. એ દાણીધારનું બસ-સ્ટેન્ડ આવશે. ત્યાંથી પુર્વમાં ૨ કિ.મી. ડામર માર્ગે આવેલ છે. જેમાં પ્રાઈવેટ વાહનથી પહોંચી શકાય છે. તો આ પાવન પ્રસંગે સમસ્ત સેવકગણ તેમજ ધર્મપ્રિય ભાવિક ભક્તોને સહકુંટુંબ મિત્રમંડળ સહિત પધારવા હાર્દિક નિમંત્રણ પાઠવવામાં આવે છે.

* * * પાવન પ્રસંગે દિવસ દરમ્યાન કાર્યક્રમની રૂપરેખા * * *

* લોકમેળો : સવારે ૭.૦૦ કલાક થી રાત્રે ૧૦.૦૦ કલાક સુધી. *

* રક્તદાન કેમ્પ : સવારે ૯.૦૦ કલાક થી સાંજે ૫.૦૦ કલાક સુધી. *

* કાનગોપી : સવારે ૧૦:૩૦ કલાક થી સાંજે ૫:૦૦ કલાક સુધી. *

* સંતવાણી : રાત્રે ૯:૩૦ કલાક થી સવારે ૪:૦૦ કલાક સુધી. *

(કલાકાર : સમરથસિંહ સોઢા, નારાયણ ઠાકર, તુલસી કાપડી, દેવદાન ગઢવી) *

* * * નિમંત્રક * * *
શ્રી સુખદેવદાસજીબાપુ ગુરૂશ્રી ઉપવાસીબાપુ
શ્રી નાથજીદાદા ટ્રસ્ટ તેમજ શ્રી નાથજીદાદા ગૌશાળા ટ્રસ્ટ

* * * સ્થળ * * *
શ્રી નાથજીદાદાની જગ્યા (આશ્રમ) – દાણીધાર ધામ.
તાલુકો કાલાવડ, જીલ્લો જામનગર, ગુજરાત.

Nathjidada Utsav_02

Read Full Post »